إضافة رد
 
 
أدوات الموضوع انواع عرض الموضوع
  #1  
قديم 06-17-2016, 02:27 AM

الصورة الرمزية عبدالله بن مطلق بن سعود

عبدالله بن مطلق بن سعود عبدالله بن مطلق بن سعود غير متواجد حالياً
الشيخ

 
معلومات إضافية
النقاط :  10
المستوى :   
افتراضي وصف الرجال ومواقفها

((وصف الرجال ومواقفهم ))



يوم إستمرت لـي بيـوت القصيـده
نبدا بوصف وكـل وصـف نجيـده
وصف الرجال صعيـب للـي يريـده
لكن أنا فالوصـف مانيـب بلشـان


رجل معك بالحيـل والحـال والمـال
لو مل بعض الناس ماهـوب مـلال
يمشي معك بالروح في لاهب الـلال
لا ضايق بالـه ولا هـوب زهقـان


ورجل ليا منه بغـى منـك ضحـاك
وإن خذ لزومه غاب عنك وتناسـاك
يبـور بـك تالـي زمانـه ويجفـاك
نسي الجمايل يـوم قفـا والأحسـان


ورجل رويغـي ماتصيـده محابيـل
يمتاز فالمجلـس برشـف الفناجيـل
ماقط ضالـو فـي محلـه مشاكيـل
ولاقط شكر له عـن الـزاد ضيفـان


ورجـل كريـم ودائمـا مرحبـانـي
يمنـاه تبـذل كـل يـوم حسـانـي
يملا بصنـف الأبيضيـن الصيانـى
رز بهـا مزبـور وأذيـال خرفـان


ورجل ربادي يفعل الزيـن والشيـن
دلو تجي مويه ودلـو تجـي طيـن
يواعدك بالسبت ويجي يوم الأثنيـن
لاهوب لاناسـي ولاهـوب غلطـان


ورجل فقير وينفق الصبـح والليـل
بيتـه لعكفـان الشـوارب مداهيـل
والرزق ياتي لـه مـن الله تساهيـل
مايتـرك الماجـوب لوكـان فقـران


ورجل غنـي لكـن مايفعـل الجـود
يدس مالـه فالمواضيـع مرصـود
ليامات عن ماله محاسـب ومنشـود
والمال يقسـم بيـن وارث وطمعـان


ورجـل تعلـق خافقـه بالمسـاجـد
تلقـاه دايـم فالمحاريـب سـاجـد
يالله عسى أمثاله من النـاس واجـد
الدين رأس المـال والـرب رحمـن


اللـي مسـك دينـه وربـه يخافـه
عقـل حكـيـم وقــوة باللطـافـه
مؤمن قوي ماهوب مؤمـن ضعافـه
اسي قساوة حـق وليـا قسـوا لان


ورجـل معقـد غاطـس فالحمـاقـه
ماكنـه إلا أبليـس بيـن الرفـاقـه
فـي كـل يـوم قاطعـيـن بنـاقـه
أقشر ويلقى له من النـاس قشـران


ورجل يغامر ميـر مامـن مخاريـج
وأحيان يبلـش ويتمنـى المناهيـج
حيث العلوم إلهـا سلـوم ومداريـج
والرجل قد قال المثل قلـب ولسـان


ورجل حسود ولا يبا الخيـر للنـاس
كنه على أبواب المواهيـب حـراس
علة نحر قاصر نظر خاوي الـرأس
يستخدم الضحك المزيـف بالأسنـان


ورجل نمـوم يجمـع الهـرج دايـم
بين البشر ضـاري بنقـل النمايـم
كـم غافـل يرمـي عليـه الظلايـم
عسـاه يذهـب ضاريـا بالتمحـان


ورجـل كـذوب وكلمتـه ماتـعـدي
يجيـب مـن هـذا لهـذا يــودي
ولاينحسـب قولـه حقيقـي وجـدي
وإن جاء مجاله قالوا النـاس كذبـان


ورجل جزوع أ يات شـيء يروعـه
حمر لـه العيـن وتهامـل دموعـه
لوقلت وش رأيك ، تصافق ضلوعـه
مقطـوع يمنـى فالمهمـات جابـان


ورجـل صبـور فالشدايـد ليـاحـد
مثل الجبـل ثابـت ولاهـوب ينهـد
في واجبه ماقط عـن واجبـه صـد
يفوز بالسبقـات فـي كـل ميـدان


ورجل نصوب رز عنقه على مـاش
متكبـر فـي كـل مجلـس وبكـاش
أن فتح باب المجد يجفـل وينحـاش
وإن صك تلقـاه إمتنـدم وخجـلان


ورجل صميـدع فالمهمـات صامـل
كامـل ولاغيـر الله الفـرد كـامـل
لياشـاف ميـلات الخطـا مايجامـل
يفرك على كبـود المعاديـن خفـان


ورجل معنى ماكسـب حظـه الخيـر
يقضـي حياتـه بالعنـا والمشاويـر
ودايم يجيله فـي طريقـه عواثيـر
مايحصـل التوفيـق والحـظ تعبـان



ورجـل عنـادي مايطيـع النصايـح
جويحة كـان البشـر بـه جوايـح
دايـم مكلـح ضاريـا بالكـلا يـح
وإن قلت له مخطي ، نفر منك زعلان


ورجـل حليـم وخاطـره مايضيقـي
لـه ناظـر بيـن النواظـر طليقـي
وليا نطـق ينطـق بهـرج حقيقـي
مافـي كلامـه زود ، وزن بميـزان


هـاذي مثايـل والمثـايـل دلايــل
جملـة دروس للقـلـوب الهبـايـل
ولانـي بناطـور علـى كـل عايـل
من ضاع جعله بين زنـد وصـوان


لاشـك فيـنـا غـيـرة ماقـدرنـا
نسكت على نظراتنـا اللـي نظرنـا
يـالله لا تعمـي بصايـر بصـرنـا
ياواحـد فـوق المخاليـق مـنـان


المعرفه برهـان والشعـر لـه دور
نطرح مشورتنا لمن يقبـل الشـور
والعبـد منهيـا مـن الله ومامـور
ولا يتفق في نظـرة وحـده إثنـان


مابه إثنين بقلـب واحـد يعيشـون
كل على رأيه وله هجـس وظنـون
أقولهـا والنـاس غيـري يقولـون
سبحـان خـلاق المخاليـق ديــان


الله خلق ماشـي وزاحـف وطايـر
سر الله أعظم من جميـع السرايـر
وحنا على نوعيـن ، وافـي وبايـر
والحق حق وماعـدا الحـق بطـلان

لوحضر الأنسـان كامـل إحساسـه
بعقل ود رس كـل الوقائـع دراسـه
أقل شـيء يشيـب ويـدوخ رأسـه
ويقنع من ألف الكيلـو بربـع فـدان

ومـن لا قنـع لابـد يقنـع بيومـه
ليا مات لـو بريـال محـد يسومـه
ماعـاد معـه إلا صلاتـه وصومـه
يوم القيامه بيـن مالـك ورضـوان


,wt hgv[hg ,l,hrtih

 

رد مع اقتباس
قديم 06-18-2016, 01:24 AM   #2
شافي بن منير بن بركي
الإدارة

معلومات إضافية
النقاط :  10
المستوى :   
الحالة :شافي بن منير بن بركي غير متواجد حالياً
افتراضي

|

أبو راكان

يعطيك العافية قصيدة جزلـة أحرفها جسدت
وصف الرجال ومواقفها بكل واقعيه ..

|

ماعـاد معـه إلا صلاتـه وصومـه
يوم القيامه بيـن مالـك ورضـوان


|


آخر مواضيعي
    رد مع اقتباس
قديم 06-20-2016, 09:58 AM   #3
خالد بن فوزان الجعيد
الإدارة

معلومات إضافية
النقاط :  10
المستوى :   
الحالة :خالد بن فوزان الجعيد غير متواجد حالياً
افتراضي

يعطيك العافيه يا ابو راكان وقصيده جزله

وسلمت يمناك

/

هـاذي مثايـل والمثـايـل دلايــل
جملـة دروس للقـلـوب الهبـايـل
ولانـي بناطـور علـى كـل عايـل
من ضاع جعله بين زنـد وصـوان


آخر مواضيعي
    رد مع اقتباس
قديم 06-22-2016, 12:46 PM   #4
فيصل بن معيض الجعيد
عضو جديد

معلومات إضافية
النقاط :  10
المستوى :   
الحالة :فيصل بن معيض الجعيد غير متواجد حالياً
افتراضي

يعطيك العافيه يا ابو راكان


طرح مميز تسلم يدك


للـي مسـك دينـه وربـه يخافـه
عقـل حكـيـم وقــوة باللطـافـه
مؤمن قوي ماهوب مؤمـن ضعافـه
اسي قساوة حـق وليـا قسـوا لان


آخر مواضيعي
توقيع :  فيصل بن معيض الجعيد

 ابو وسام

    رد مع اقتباس
إضافة رد

الكلمات الدلالية (Tags)
الرجال, ومواقفها

« - | - »

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Bookmark and Share

RSS RSS 2.0 XML MAP HTML

الساعة الآن 01:18 AM

أقسام المنتدى

المنتدى الإسلامي | القرآن الكريم | العلوم الشرعية | سيرة النبي محمد صلى الله عليه وسلم | الصوتيات والمرئيات الإسلامية | المنتديات العامه | الترحيب | مجلس المصالخه العام | تاريخ قبائل الجزيرة العربية | منتدى عدسة الأعضاء والرحلات والسفر | الصحافة والإعلام | الطب والصحة | منتديات قبيلة الجعده | انساب قبيلة الجعده | فرسان وأمراء ومشايخ | ديار قبيلة الجعده | المنتديات الأدبية | شعراء قبيلة الجعده | قصائد الأعضاء | الشعر الشعبي | قصة وقصيدة | فنون النثر العربي | الشعر الفصيح | منتدى الكمبيوتر والتكنولوجيا | الكمبيوتر و الإنترنت | الجوال | ابل | اندرويد | فلاش + جرافيكس | دورة تعليم برنامج الفوتوشوب | الاقتراحات والشكاوي | الاقتراحات | اخبار القبيلة |



Powered by vBulletin® Copyright ©2000 - 2019, Jelsoft
جميع الحقوق محفوظه لدى منتدى قبيلة الجعده